Основното училиште „Исмаил Ќемали“ – Чаир и Основното училиште „Халил Алидема“ – Пожаран, Вити, потпишаа Меморандум за соработка, со цел зајакнување на институционалната соработка и унапредување на образовните процеси.
Меморандумот беше потпишан од директорките на двете училишта, г-ѓа Теута Имери и г-ѓа Дрита Пира , со што ја потврдија подготвеноста и посветеноста за долгорочна и одржлива соработка .
За време на средбата , разговорите помеѓу директорките и училишните колективи беа исклучително корисни и конструктивни , во дух на топла и професионална соработка . Беа разгледани идеи и иницијативи за реализација на заеднички проекти , размена на педагошки искуства, едукативни и културни активности, како и професионален развој на наставниците и учениците .
На средбата учествуваа и г-ѓа Мјелма Гаши, одговорна за образование во Општина Чаир, како и г-ѓа Елвиса Алидема, советничка за кариера – Пожаран , кои со своите идеи и искуства дадоа значаен придонес кон збогатување на дискусиите и зајакнување на меѓуинституционалната соработка.
Овој меморандум претставува значаен чекор кон воспоставување нови партнерства и придонесува кон унапредување на квалитетот на образованието и меѓуучилишната соработка.
